Një Hermès Birkin me vlerë rreth 45 mijë dollarë është bërë viral pas një gjesti të papritur nga Kim Kardashian.
Gjatë një eventi të Skims në Shangai, një fans i kërkoi yllit amerikan të firmoste çantën e tij Birkin 35. Kardashian pranoi dhe, me një stilolaps metalik ngjyrë ari, vendosi autografin e saj direkt mbi çantën luksoze.
Por menjëherë pasi e bëri, Kim duket se e kuptoi sa e pazakontë ishte situata.
“O Zot i madh, kjo më duket blasfemi”, tha ajo me humor.
Momenti u filmua dhe videoja u shpërnda me shpejtësi në rrjetet sociale, duke shkaktuar reagime të ndryshme.
Disa përdorues kanë diskutuar nëse autografi i Kardashian mund ta bëjë çantën edhe më të veçantë për koleksionistët, ndërsa të tjerë kanë vlerësuar idenë e fansit për ta kthyer një aksesor luksoz në një objekt unik.
Nëse çanta do të dilte ndonjëherë në shitje, firma e Kim Kardashian mund ta dallonte atë nga Birkin-et e tjera dhe t’i shtonte një element të veçantë për fansat e saj dhe koleksionistët e modës.
