Ronela Hajati ka ndarë me ndjekësit një mesazh të ndjerë, duke folur hapur për një periudhë të vështirë emocionale dhe dëshirën për të rikthyer qetësinë dhe lumturinë në jetën e saj.
Përmes një postimi në Instagram Story, këngëtarja tregon se këtë vit ka pasur vetëm një dëshirë për të cilën është lutur: paqen dhe një sistem nervor të qetë.
Ronela shprehet se ka qenë besnike, e përkushtuar dhe se ka dashur “me gjithë shpirtin, trupin dhe mendjen”. Ajo tregon se ka pritur me durim dhe ka vazhduar të punojë fort edhe në ditët kur mendonte se nuk do t’ia dilte.
Artistja ka përmendur edhe netët pa gjumë, lotët dhe mendimet e shumta, duke pranuar se ka pasur momente kur ka gjykuar edhe veten, ndërsa njëkohësisht është përpjekur të buzëqeshë dhe të vazhdojë përpara.
Në fund të mesazhit, Ronela i drejtohet Zotit me një lutje të ndjerë:
“Zot, të lutem, më kthe lumturinë. Mos lejo më lot dhe trishtim në jetën time.”
Këngëtarja nuk ka treguar çfarë konkretisht e ka shtyrë të ndajë këtë mesazh me ndjekësit. Për këtë arsye, mbetet e paqartë nëse bëhet fjalë për jetën personale, atë profesionale, apo thjesht për një periudhë të vështirë emocionale që po kalon.
