Një situatë e papritur ka ndodhur gjatë transmetimit live të “Ferma VIP 3”, ku moderatorja Arbana Osmani u përball me një moment hezitimi në skenë.
Teksa po lexonte emrat e pesë fermerëve të nominuar, ajo arriti të përmendte katër prej tyre, por për pak çaste nuk kujtoi emrin e konkurrentes së pestë. Kjo krijoi një moment të sikletshëm, pasi edhe opinionistët në studio nuk reaguan menjëherë për ta ndihmuar.
Situata u zgjidh nga Ermal Mamaqi, i cili ndërhyri me humor duke ia kujtuar emrin e konkurrentes, Fabiola, dhe e kaloi momentin me një batutë.
Edhe pse bëhej fjalë për një lapsus të thjeshtë që mund t’i ndodhë kujtdo në transmetim të drejtpërdrejtë, momenti nuk kaloi pa u komentuar në rrjetet sociale, ku një pjesë e publikut reagoi menjëherë.
