Një deklaratë e fortë është bërë nga gazetari Elton Tozaj gjatë emisionit “Radar”, teksa në studio po diskutohej për emrat që mund të jenë pjesë e sezonit të ri të “Big Brother VIP Albania”.
Mes personazheve të përmendur ishte edhe Rezarta Shkurta, për të cilën prej kohësh qarkullojnë zëra se mund të jetë një nga emrat e ftuar në reality show.
Gjatë diskutimit, Tozaj përmendi edhe Afroviti Gogen, të cilën e cilësoi si ish-shoqe të Rezartës dhe tha se do të dëshironte që të dyja të ishin pjesë e të njëjtit format.
“Nëse do të ftohet, ashtu siç flitet që është ftuar për në Big Brother, do të doja të ftohej bashkë me Afroviti Gogen. Ajo ka qenë shoqe e Rezartës dhe kanë pasur më shumë se shoqëri me njëra-tjetrën. Madje i ka dedikuar edhe këngë”, deklaroi Tozaj në “Radar”.
Deklarata e gazetarit ka ngritur pikëpyetje mbi natyrën e marrëdhënies së dikurshme mes dy vajzave, duke lënë të kuptohet se, sipas pretendimit të tij, ajo mund të ketë shkuar përtej miqësisë.
Megjithatë, bëhet fjalë për një deklaratë të bërë nga Elton Tozaj, dhe jo për një fakt të konfirmuar nga Rezarta Shkurta apo Afroviti Goge.
Deri tani, asnjëra prej tyre nuk ka reaguar publikisht lidhur me pretendimin e bërë gjatë emisionit “Radar”.
