Historia e tyre në “Big Brother VIP Albania” nisi si një ritual simbolik, por duket se po kthehet në një romancë reale që po fiton gjithnjë e më shumë zemrat e publikut.
Brikena dhe Mateo, një nga çiftet më të komentuara të këtij edicioni, po dëshmojnë se ndjenjat e lindura brenda shtëpisë nuk kanë qenë thjesht për lojë. Edhe pse shumë lidhje televizive zbehen pas spektaklit, ata po tregojnë të kundërtën.
Së fundmi, një foto e publikuar në rrjete sociale ka ndezur menjëherë reagimet. Në imazh, Mateo shihet duke i mbajtur dorën Brikenës, por ajo që mori gjithë vëmendjen ishte një detaj shumë domethënës: unazat që ata shkëmbyen gjatë “martesës” në shtëpi, vazhdojnë të jenë ende në gishtat e tyre.
Ky gjest është interpretuar nga fansat si një konfirmim i fortë se lidhja e tyre po vazhdon seriozisht edhe jashtë kamerave.
Pavarësisht distancës Kosovë–Shqipëri, dyshja duket se po kalon kohë së bashku, duke udhëtuar dhe duke ruajtur një raport të qëndrueshëm.
Për publikun, Brikena dhe Mateo mbeten një nga historitë më të bukura dhe autentike, duke treguar se ndonjëherë, edhe në një reality show, mund të lindë diçka e vërtetë.
