Pas përfundimit të “Big Brother VIP Albania 5” dhe daljes nga shtëpia, lidhja mes Selinit dhe Gimbos duket se po ecën në një drejtim gjithnjë e më serioz.
Sipas informacioneve të publikuara nga “Prive”, çifti ka bërë një hap të rëndësishëm në marrëdhënien e tyre, duke nisur bashkëjetesën në Tiranë.
Edhe pse angazhimet profesionale e mbajnë shpesh Gimbon në lëvizje, duket se kryeqyteti është kthyer në një pikë të rëndësishme për të dhe për jetën e përbashkët me Selinin.
Dyshja është parë duke shijuar kohën së bashku, mes udhëtimeve, pushimeve dhe angazhimeve të sezonit, duke treguar se raporti i tyre po vazhdon edhe jashtë kamerave.
Hapi i ri vjen si një tjetër dëshmi se historia e tyre e nisur brenda formatit televiziv po merr formë edhe në jetën e përditshme.
