Një situatë e papritur ka trazuar atmosferën në “Ferma VIP 3”, ku Ermiona Lekbello ka kërkuar largimin e menjëhershëm nga spektakli.
Gjatë një lidhjeje live me moderatoren Arbana Osmani, ajo u shfaq e ngarkuar emocionalisht, duke treguar se nuk po e përballon më klimën brenda fermës.
“Nuk ndihem mirë këtu. Ka një atmosferë që nuk më bën mirë dhe nuk mund të vazhdoj më gjatë,” u shpreh Lekbello, duke theksuar se energjia negative, ngacmimet dhe sjelljet e papërshtatshme kanë ndikuar në gjendjen e saj.
Deklarata e saj surprizoi jo vetëm publikun, por edhe moderatoren, e cila i kërkoi të mos marrë një vendim të nxituar. Arbana nënvizoi rëndësinë e televotimit, duke sugjeruar që të pritet rezultati në respekt të publikut, por vendimi i Ermionës ishte final.
