Intervista e Benita Zenës për Prive By Liberta Spahiu është kthyer në një nga temat më të komentuara në rrjetet sociale, pasi një prej përgjigjeve të saj është shndërruar në trend në TikTok. Megjithatë, duket se jo të gjithë e kanë pritur me të njëjtin entuziazëm këtë vëmendje.
Këtë herë, në qendër të diskutimeve është Labinot Rexha, i cili ka publikuar në Instastory një video ku dëgjohet zëri i Benitës në sfond.
Ajo që tërhoqi vëmendjen ishte mbishkrimi që këngëtari vendosi krahas videos: “Muuuuuu”. Reagimi është interpretuar nga ndjekësit si një thumbim ndaj ish-banores së Big Brother VIP Kosova, pasi tingulli mund të kuptohet si një krahasim ironik me lopën.
Benita dhe Labinot Rexha kanë qenë pjesë e edicionit të katërt të Big Brother VIP Kosova, ku kanë përjetuar së bashku qëndrimin në shtëpinë e famshme.
Ndërkohë, Benita vazhdon të jetë në qendër të vëmendjes pas intervistës së saj për Prive By Liberta Spahiu. Përgjigjja “Për cilin djalë?” është bërë virale në TikTok, duke nxitur reagime dhe video të shumta nga përdoruesit e platformës.
