Dinamikat në “Big Brother VIP Albania” po bëhen gjithnjë e më strategjike, ndërsa banorët analizojnë lëvizjet e njëri-tjetrit në lojë.
Së fundmi, Miri ka ndarë mendimin e tij në Dhomën e Rrëfimit për Selin, duke bërë një deklaratë që ka tërhequr vëmendjen.
Ai u shpreh se, sipas tij, Selina nuk mund ta shmangë lojën me të dhe Rogert Stërkaj, duke theksuar: “Po ku do shkojë ajo pa ne. Lojën me ne e ka.”
Miri analizoi edhe skenarët e mundshëm të strategjisë së saj, duke përmendur dy rrugë që ajo mund të ndjekë: ose të krijojë përçarje mes tij dhe Rogertit, ose të afrohet dhe të ndërtojë një lloj aleance.
“Varianti i parë është konflikti mes meje dhe Rogertit. E dyta është një shtrirje dore miqësore,” u shpreh ai.
Kjo deklaratë ka shtuar edhe më shumë kuriozitetin mbi lëvizjet e ardhshme të Selinës, duke paralajmëruar zhvillime interesante në lojë.
