Një video e publikuar së fundmi ka rikthyer në qendër të vëmendjes fituesin e “Big Brother VIP Albania 2”, Luiz Ejlli.
Këtë herë, këngëtari nuk është parë në një koncert, intervistë apo aktivitet artistik, por në ambientet e Komisariatit nr. 3 në Tiranë, ku pamjet kanë nxitur menjëherë reagime nga publiku.
Në videon që po qarkullon në rrjetet sociale, Luizi shihet duke biseduar me një efektiv policie. Momenti ka ngjallur shumë kuriozitet, pasi deri tani nuk është bërë e ditur arsyeja e pranisë së tij në ambientet e Policisë së Shtetit.
Nuk ka ende një informacion zyrtar lidhur me rrethanat e kësaj situate apo nëse bëhet fjalë për ndonjë shqetësim të veçantë.
Pamjet kanë sjellë komente të shumta online, ku disa përdorues kanë nisur të bëjnë aludime, ndërsa të tjerë kanë kërkuar që të priten faktet dhe sqarimet zyrtare.
Mbetet për t’u parë nëse Luiz Ejlli apo autoritetet do të reagojnë për të dhënë më shumë detaje rreth këtij episodi që ka tërhequr vëmendjen e publikut.
