Përgatitjet për “Big Brother VIP Kosova 5” kanë nisur, por duket se këtë sezon mund të ketë ndryshime jo vetëm në kastin e banorëve, por edhe në moderimin e spektaklit.
Alaudin Hamiti pritet të vijojë angazhimin e tij me formatin dhe gjatë ditëve të fundit ka ndarë publikisht edhe detaje rreth përgatitjeve për edicionin e pestë.
Ndërkohë, më e paqartë mbetet situata rreth Jonida Vokshit. Moderatorja ka qenë në krah të Alaudinit edhe gjatë BBVK 4, përfshirë finalen e madhe të zhvilluar në shkurt të këtij viti.
Megjithatë, deri tani nuk ka një konfirmim zyrtar se Jonida do të rikthehet në sezonin e pestë.
Sipas raportimeve që po qarkullojnë, moderatorja është duke diskutuar për angazhime të tjera profesionale dhe projekte personale, çka ka ngritur pikëpyetje nëse ajo do të jetë pjesë e formatit edhe këtë sezon.
Një tjetër detaj që ka tërhequr vëmendjen është fakti se së fundmi Jonida Vokshi nuk rezulton të ndjekë më Klan Kosovën në Instagram, televizionin ku “Big Brother VIP Kosova” transmetohet që prej nisjes së formatit.
Ky veprim, i kombinuar me mungesën e një konfirmimi zyrtar, ka nxitur spekulimet për një ndryshim të mundshëm në çiftin e moderatorëve.
Por kush mund ta zëvendësojë Jonidën?
Deri tani nuk është bërë publik asnjë emër konkret dhe produksioni nuk ka njoftuar zyrtarisht ndonjë ndryshim në moderim. Për rrjedhojë, çdo emër që mund të përmendet si pasues i saj mbetet vetëm në nivel aludimi.
Ajo që dihet është se puna për “BBVK 5” tashmë ka nisur dhe Alaudin Hamiti po flet publikisht për sezonin e ri.
Nëse publiku do të shohë sërish në skenë Alaudin Hamitin dhe Jonida Vokshin, apo këtë herë moderatori do të ketë një partnere të re, pritet të zbulohet në javët në vijim. 👀
