Debati rreth raportit mes Indrit dhe Vanesa në Ferma VIP ka kaluar përtej mureve të fermës, duke përfshirë tashmë edhe familjen e tij.
Pas vendimit të Indrit për t’u tërhequr dhe për t’i ofruar Vanesës vetëm miqësi—duke përmendur si arsye djalin e tij të vogël dhe përjetimet nga një divorc i mëparshëm—ai u përball me kritika të forta gjatë spektaklit live. Opinionistet e cilësuan si të pasigurt dhe e akuzuan se kishte dhënë shpresa të kota.
Por jashtë programit, familjarët e tij kanë reaguar publikisht përmes një deklarate në rrjetet sociale, duke i dalë në mbrojtje dhe duke kundërshtuar gjuhën e përdorur ndaj tij.
Sipas tyre, pranimi i një gjendjeje të brendshme të vështirë nuk është dobësi, por përgjegjësi:
“Të pranosh një ngërç emocional dhe nevojën për t’u shëruar është ndërgjegjësim, jo dobësi.”
Ata theksojnë se Indri po vendos kufij të shëndetshëm dhe se reagimet e ashpra, sidomos nga figura publike që ndikojnë opinionin, duhet të jenë më të kujdesshme.
Megjithatë, në mesazhin e tyre nuk mungon edhe respekti për Vanesën, të cilën e cilësojnë si një vajzë të fortë dhe dinjitoze, që meriton mirëkuptim në këtë situatë delikate.
Në përfundim, familja shprehet krenare për faktin që Indri zgjodhi të jetë i sinqertë dhe i drejtpërdrejtë, edhe pse kjo e vendosi në qendër të kritikave.
