Nora Malaj ka folur në “Ferma Club” për eksperiencën e Mimoza Ahmetit në “Ferma VIP”, duke zbuluar se ka qenë ndër personat që e kanë inkurajuar të bëhej pjesë e formatit.
Sipas Norës, Mimoza kishte kërkuar mendimin e saj përpara hyrjes në program dhe kishte pasur hezitime fillestare. Ajo tregoi se e kishte mbështetur në këtë vendim, duke e konsideruar një eksperiencë interesante për një figurë si Mimoza Ahmeti.
Gjatë diskutimit, Nora Malaj e përshkroi Mimozën si një personazh që gjatë viteve ka qenë shpesh përpara kohës së vet, duke sfiduar norma dhe paragjykime shoqërore.
Ajo shtoi se sjelljet dhe reagimet e poetes brenda fermës duhen parë edhe në dimensionin e saj njerëzor, duke theksuar se ndonjëherë reagimet e forta vijnë si pasojë e situatave dhe provokimeve që përjeton në ambientin e lojës.
Pjesa që tërhoqi më shumë vëmendje ishte komenti i Norës për raportin mes Mimoza Ahmetit dhe Zhakut.
E pyetur nëse të dy njiheshin para hyrjes në program, ajo tha se nuk mund ta konfirmonte këtë me siguri, por bëri një dallim mes njohjes dhe miqësisë.
Sipas saj, nëse Mimoza ka deklaruar se nuk e ka mike Zhakun, kjo nuk do të thotë domosdoshmërisht se ato nuk janë njohur më parë.
“Mik është fjalë e madhe. Nëse Moza e ka thënë në kuptimin që nuk e ka mike, nuk gënjen. Në kuptimin e njohjes, mund të ketë gënjyer.
Deklarata e Norës ka shtuar diskutimet në rrjetet sociale, ku prej kohësh ka pasur aludime se mes Mozës dhe Zhakut mund të ketë ekzistuar një njohje paraprake përpara nisjes së “Ferma VIP”.
Megjithatë, deri tani nuk ka asnjë konfirmim publik nga vetë protagonistët që të sqarojë nëse ata kanë pasur apo jo kontakt më herët. Për këtë arsye, gjithçka mbetet në nivel deklaratash dhe interpretimesh, ndërsa publiku vazhdon të ndjekë me interes dinamikën mes tyre brenda formatit.
