Brikena Selmani është rikthyer në rrjetet sociale pas ditësh spekulimesh rreth marrëdhënies së saj me Mateo Borrin, dhe postimi i fundit ka tërhequr menjëherë vëmendjen e ndjekësve.
Në një video të publikuar gjatë një shëtitjeje me makinë në Prishtinë, Brikena shfaqet në shoqërinë e një mikeshe, por ajo që është komentuar më shumë nuk ka qenë vetë videoja. Ndjekësit kanë vënë re se ajo nuk mbante unazat që zakonisht i shfaqte në publik, përfshirë edhe një unazë me vlerë sentimentale që e kishte pjesë të përditshmërisë së saj.
Ky detaj është interpretuar nga shumë fansa si një tjetër tregues se raporti me Mateon mund të ketë marrë fund.
Një tjetër element që ka nxitur diskutime është muzika që Brikena ka vendosur në sfond të videos. Ajo ka zgjedhur këngën Solo nga Tayna, duke ndarë pikërisht një pjesë të tekstit që flet për pavarësinë dhe ecjen përpara pas një marrëdhënieje.
Për shumë ndjekës, kombinimi i mungesës së unazave dhe zgjedhja e kësaj kënge është parë si një mesazh indirekt, por mjaft domethënës për situatën e saj personale.
Megjithëse lëvizjet e fundit në rrjetet sociale kanë forcuar bindjen e publikut se çifti është ndarë, as Brikena dhe as Mateo nuk kanë bërë deri tani një deklaratë të drejtpërdrejtë për statusin e marrëdhënies së tyre.
Për momentin, gjithçka mbetet në nivel interpretimesh të fansave dhe mediave rozë. Megjithatë, postimet e fundit të Brikena Selmanit po shihen si sinjalet më të qarta deri tani se ajo po ecën përpara dhe po fokusohet te vetja.
