Olsi Bylyku ka tërhequr vëmendjen e ndjekësve me paralajmërimin e projektit të tij më të ri muzikor, të titulluar “EX”, i cili ka ndezur menjëherë diskutimet në rrjet.
Përmes një videoje të publikuar në rrjetet sociale, këngëtari ndau një pjesë të këngës së re, ku dëgjohen vargje që shumë fansa i kanë interpretuar si një dedikim për ish-partneren e tij, Egli Tako.
Në fragmentin e publikuar dëgjohen vargjet:
“Ajo që kur u nda body 10/10, ajo ka ndrru krejt disponimin, ex-i ta heqte shkëlqimin…”
Pikërisht këto vargje kanë nxitur një valë komentesh, me shumë ndjekës që shkruajnë:
“Ja paske dediku Eglit.”
Megjithatë, Olsi Bylyku nuk ka konfirmuar se kënga lidhet me Egli Takon, ndaj interpretimet mbeten në nivel aludimesh nga publiku.
Kujtojmë se Olsi Bylyku dhe Egli Tako i dhanë fund lidhjes së tyre pesëvjeçare rreth tre vite më parë, një ndarje që u komentua gjerësisht në mediat rozë.
Edhe pas kalimit të kohës, historia e tyre vazhdon të zgjojë interes, ndaj çdo projekt i ri i artistit interpretohet shpesh nga fansat si një referencë ndaj marrëdhënies së dikurshme.
Mbetet për t’u parë nëse “EX” është vërtet një histori e frymëzuar nga e kaluara e këngëtarit apo thjesht një projekt artistik që ka lënë vend për interpretime.
