Në një intervistë të fundit në emisionin Goca dhe Gra, Olsi Mingomata u rikthye te një nga historitë më të përfolura të reality show-ve shqiptare: lidhja me Najada Konomi, të njohur për publikun si “Noçja”.
Edhe pse brenda shtëpisë së Big Brother Albania ata përjetuan një romancë të fortë dhe sfiduan normat e kohës, jashtë saj gjithçka mori një drejtim tjetër. I pyetur për kohëzgjatjen e marrëdhënies pas spektaklit, Olsi tregoi se ajo ishte jetëshkurtër:
“Ne kemi dalë në maj… disa muaj qëndruam bashkë. Viti jo, nuk u bë.”
Sa i përket arsyeve të ndarjes, ai pranoi hapur se diferencat në stilin e jetesës dhe zgjedhjet personale ndikuan ndjeshëm:
“Dy shoqëri të ndryshme… edhe gabimet e mia… të jemi korrekt,” – u shpreh ai, duke marrë përgjegjësi për pjesën e tij.
I vendosur përballë pyetjes nëse fama e menjëhershme ndikoi në sjelljen e tij, Olsi nuk e mohoi ndikimin e saj:
“Ishte ai momenti… ishte pak i fuqishëm [ndikimi i famës]. S’e kishim provuar ndonjëherë.”
Në përfundim, ai la të kuptohet se presioni i madh publik, vëmendja dhe realiteti i ri pas daljes nga formati ishin faktorë të fortë që e bënë të vështirë vazhdimin e lidhjes, duke ndikuar drejtpërdrejt në jetën e tij personale.
