Reperi Fero ka emocionuar ndjekësit me një postim të fundit në Instagram, ku ka rikthyer një moment shumë të vështirë nga jeta e tij personale.
Artisti publikoi një foto të realizuar katër vite më parë, pak para se të hynte në një qendër rehabilitimi, ndërsa pranë tij shfaqej edhe nëna e tij. Krahas imazhit, ai ndau një mesazh reflektues dhe motivues për rrugëtimin që ka kaluar.
“Para 4 vjete para qendrës së rehabilitimit me nanën tem në gjendjen ma të keqe të mundshme, rikujtim për motivim,” – shkroi Fero në InstaStory.
Fero via Instagram Story
Prej kohësh, reperi ka folur hapur për sfidat personale dhe periudhat e vështira që ka përjetuar, duke treguar se rehabilitimi ishte një nga momentet më të forta dhe transformuese në jetën e tij.
Në vitet e fundit, ai është distancuar nga muzika dhe ka treguar se ka nisur një rrugëtim të ri shpirtëror dhe personal, duke u fokusuar më shumë te vetja dhe ndryshimet në stilin e jetës.
Postimi i tij është komentuar gjerësisht në rrjetet sociale, ku shumë ndjekës kanë vlerësuar guximin e artistit për të folur hapur mbi periudhat e errëta dhe për ta kthyer përvojën e tij në një mesazh motivimi për të tjerët.
