Arlinda Morina, një nga tre banoret e para të Big Brother VIP Kosova 5, ka tërhequr vëmendjen e publikut që në momentin kur hyri në shtëpi, plot 24 orë përpara premierës zyrtare të spektaklit.
Regjisorja 43-vjeçare u bë menjëherë pjesë e diskutimeve në rrjetet sociale, ku komentet për pamjen dhe stilin e saj nuk munguan. Megjithatë, përtej vëmendjes që mori nga paraqitja e saj, një detaj në profilin personal të Arlindës në Instagram ka zbuluar një pjesë të historisë së saj që shumë ndjekës mund të mos e kenë ditur.
Në përshkrimin e profilit të saj, Arlinda ka vendosur shprehjen “Cancer survivor”, që në shqip përkthehet “E mbijetuar nga kanceri”. Kjo shprehje shoqërohet edhe me dy fjongo të verdha, të cilat e bëjnë mesazhin edhe më domethënës.
Ky detaj ka tërhequr vëmendjen ndaj një aspekti më personal të jetës së banores, përtej imazhit të saj publik dhe eksperiencës së re televizive. Megjithatë, deri më tani nuk janë bërë publike hollësi të tjera rreth përvojës së saj me sëmundjen.
Arlinda Morina është prezantuar nga produksioni si regjisore 43-vjeçare dhe është ndër konkurrentet që kanë nisur aventurën në shtëpinë e BBVK5 përpara pjesës tjetër të banorëve.
Hyrja e saj e hershme ka shtuar interesin e publikut për ta njohur më mirë, ndërsa historia personale e lënë të kuptohet nga profili i saj sjell në vëmendje një anë tjetër të banores, përtej komenteve për pamjen.
Ndërkohë, premiera zyrtare e Big Brother VIP Kosova 5 do të mbahet më 30 tetor, në orën 21:00, kur pritet të zbulohen edhe konkurrentët e tjerë që do t'i bashkohen garës.
