Një video që po qarkullon me shpejtësi në rrjetet sociale ka ndezur debat mes ndjekësve të Big Brother VIP Albania.
Në qendër të diskutimeve është Brikena, e cila është filmuar në një moment që ka ngritur shumë pikëpyetje. Në pamje, ajo shihet duke iu afruar dollapit ku Selin mban sendet personale dhe duke kërkuar nëpër sirtarë.
Në video duket sikur Brikena merr diçka, por nuk është e qartë se për çfarë bëhet fjalë. Kjo ka mjaftuar që një pjesë e publikut të aludojë për një veprim të papërshtatshëm, duke e akuzuar për marrje të sendeve që nuk i përkasin.
Megjithatë, deri tani nuk ka një reagim zyrtar apo konfirmim për atë që ka ndodhur realisht. Mbetet për t’u parë nëse situata do të sqarohet në spektaklin e radhës dhe si do të ndikojë kjo në marrëdhëniet mes banorëve.
Ky moment pritet të sjellë tensione dhe dinamika të reja brenda shtëpisë.
