Përplasja mes Edi Kuçit dhe Joz Markut vijon të shkaktojë reagime të shumta në rrjetet sociale, ndërsa së fundmi në qendër të vëmendjes është vendosur edhe familja e ish-banorit të “Big Brother VIP Kosova”.
Në rrjet po qarkullon pretendimi se babai i Edi Kuçit ka reaguar pas publikimit të pamjeve të konfliktit, përmes një mesazhi të shkurtër ku thuhet se janë shkruar fjalët: “Veq vonim…”.
Por nuk mjaftoi vetëm kaq. Sipas postimeve që po qarkullojnë, ai ka shpërndarë gjithashtu një fotografi të tatuazhit që Edi mban në krah, ku shkruhet: “Hakmarrja s’ka datë skadence.”
Kombinimi i këtyre dy postimeve ka bërë që shumë përdorues në rrjet t’i interpretojnë ato si një paralajmërim të mundshëm pas incidentit që përfshiu Edit.
Megjithatë, deri në këto momente, nuk ka konfirmim të pavarur se mesazhi dhe fotografia janë publikuar vërtet nga babai i Edi Kuçit apo se kanë lidhje drejtpërdrejt me përplasjen me Joz Markun.
Në një situatë të tillë, mbetet e paqartë nëse bëhet fjalë për një reagim të drejtpërdrejtë ndaj konfliktit apo thjesht për një interpretim që po qarkullon në rrjet.
