Modelja ruse Ariana Lirey, e njohur për publikun shqiptar edhe për lidhjen e saj të dikurshme me Don Xhonin, është rikthyer në vëmendje me një postim që pasqyron një kapitull krejtësisht të ri të jetës së saj.
Në një fotografi të publikuar së fundmi, Ariana shfaqet në avion me të birin në krahë, duke ndarë me ndjekësit një moment të qetë dhe plot dashuri nga përditshmëria e saj si nënë.
Modelja u bë nënë për herë të parë në vitin 2025, pasi më herët kishte kurorëzuar me martesë lidhjen me partnerin e saj rus. Që prej atëherë, ajo ka ndarë herë pas here momente familjare, duke treguar se fokusi i saj kryesor është familja.
Për publikun shqiptar, Ariana Lirey mbetet e njohur edhe për romancën e shumëpërfolur me Don Xhonin, një histori që dikur tërhoqi vëmendjen e mediave rozë dhe fansave të reperit.
Pas ndarjes, të dy konfirmuan se kishin vijuar jetën në rrugë të ndryshme. Sot, Ariana duket se po shijon plotësisht rolin e saj si nënë, duke ndarë me ndjekësit momente të veçanta nga jeta e saj personale.
