Një postim i publikuar së fundmi në TikTok ka ngritur dyshime për një ndarje të mundshme mes aktorit dhe këngëtarit Olsi Bylyku dhe partneres së tij, Denada Lura.
Në postimin që ka tërhequr vëmendjen e përdoruesve, pretendohej se çifti i kishte dhënë fund lidhjes, por pa u paraqitur ndonjë arsye konkrete apo informacion që të mbështeste këtë pretendim.
Shkak për aludimet është bërë një detaj në Instagram. Sipas autorit të postimit, Olsi kishte hequr Denadën nga lista e personave që ndiqte në këtë platformë, duke nxitur dyshimet se marrëdhënia mes tyre mund të kishte përfunduar.
Por, a qëndron vërtet ky pretendim?
Një kontroll i profilit të Denadës në Instagram tregon se Olsi Bylyku vazhdon ta ndjekë partneren e tij. Ky detaj bie ndesh me argumentin e përdorur në postimin që nxiti aludimet për një ndarje të mundshme.
Nga ana tjetër, as Olsi Bylyku dhe as Denada Lura nuk kanë konfirmuar publikisht një ndarje, të paktën deri më tani.
Për rrjedhojë, lajmi që ka qarkulluar në rrjetet sociale mbetet i pakonfirmuar. Ndërsa detaji i përmendur si provë për përfundimin e marrëdhënies nuk përputhet me atë që shfaqet aktualisht në Instagram, nuk ka të dhëna të mjaftueshme për të arritur në përfundimin se çifti është ndarë.
