Loredana Brati pritet të rikthehet në ekran, këtë herë në Kosovë, por jo si konkurrente në një reality show. Ish-banorja e Big Brother VIP Albania raportohet se do të marrë një rol të ri në edicionin e ardhshëm të Big Brother VIP Kosova.
Sipas burimeve të cituara nga IndeksOnline, Loredanës i është besuar moderimi i emisionit “Big Talk”, një prej formateve që shoqëron spektaklin e njohur dhe trajton zhvillimet brenda shtëpisë.
Nëse konfirmohet, ky angazhim do të shënonte një hap të ri në karrierën televizive të Loredanës, e cila do të kalonte nga roli i një konkurrenteje në një format reality në atë të moderatores së diskutimeve.
Gjatë qëndrimit në shtëpinë e BBVA-së, Loredana tërhoqi vëmendjen e publikut përmes dinamikave dhe debateve ku u përfshi, duke u bërë një nga personazhet e komentuar të edicionit të saj.
Tashmë, emri i saj lidhet me një tjetër produksion të njohur televiziv, ku pritet të sjellë një eksperiencë të re përballë publikut kosovar.
Megjithatë, lajmi nuk është konfirmuar ende zyrtarisht nga produksioni i BBVK-së dhe mbështetet te burimet e cituara nga IndeksOnline. Mbetet për t'u parë nëse Loredana Brati do të jetë moderatorja e re e “Big Talk”.
