Moderatori i njohur Ledion Liço ka tërhequr vëmendjen në rrjetet sociale pas një publikimi në Instagram, në një kohë kur protestat studentore në Tiranë dhe tensionet politike vijojnë të jenë në qendër të diskutimeve.
Moderatori i Big Brother VIP Albania ka shpërndarë një sekuencë nga filmi i njohur “Shutter Island”, ku interpreton aktori hollivudian Leonardo DiCaprio.
Në videon e publikuar dëgjohet një nga dialogët më të njohur të filmit, që ngre një dilemë mbi të keqen dhe moralin njerëzor.
“E di çfarë? Ky vend më bën të mendohem… Çfarë do të ishte më keq: të jetosh si përbindësh apo të vdesësh si njeri i mirë?”, thuhet në sekuencën e shpërndarë nga Liço.
Mesazhi me ngarkesë morale vjen në një moment kur zhvillimet politike në vend dhe përplasjet mes protestuesve e policisë kanë nxitur reagime të shumta publike.
Përzgjedhja e kësaj skene ka ngritur pikëpyetje nëse moderatori ka dashur të përcjellë një mesazh të tërthortë për situatën politike dhe kryeministrin Edi Rama. Megjithatë, Ledion Liço nuk ka përmendur drejtpërdrejt as Ramën dhe as protestat në publikimin e tij.
Deri më tani, moderatori nuk ka dhënë ndonjë shpjegim shtesë për postimin, duke e lënë të hapur interpretimin e mesazhit nga ndjekësit.
