Një moment interesant është zhvilluar në Big Brother VIP Albania, ku banorët janë vendosur përballë njëri-tjetrit për të thënë hapur se kush, sipas tyre, e meriton të fitojë këtë edicion.
Përgjigjet kanë qenë të ndara dhe shpesh të papritura. I pari që dha mendimin ishte Mali, i cili zgjodhi Stenaldon, duke e vlerësuar kështu:
“Më ka inspiruar… ka treguar guxim që në fillim.”
Nga ana tjetër, edhe Nikol ka qenë në të njëjtën linjë, duke e parë Stenaldon si fitues potencial, ndërsa vetë Stenaldo ka surprizuar duke zgjedhur Malin si më të denjë për çmimin e madh.
Shëndriti ka përmendur Selin, duke theksuar kontributin e saj në lojë:
“E meriton… ka krijuar situata që nga dita e parë.”
Vetë Selin nuk ka përmendur një fitues të vetëm, por ka qenë e drejtpërdrejtë kundër një banori, duke lënë të kuptohet:
“Ai që nuk duhet ta fitojë kurrë është Rogerti”, ndërsa shtoi se në finale sheh Brikenën.
Nga ana tjetër, Rogerti ka mbështetur fort Mirin, duke u shprehur:
“Emri i vetëm që mund ta fitojë është Miri… nuk ka ofenduar askënd.”
Edhe Edisa ka qenë në të njëjtin mendim me të, ndërsa Brikena dhe Mateo kanë zgjedhur njëri-tjetrin si fitues, duke treguar mbështetjen e ndërsjellë.
Ndërkohë, Miri dhe Juela kanë kthyer vëmendjen nga Rogerti, duke e cilësuar atë si një nga lojtarët më me ndikim në shtëpi.
Këto deklarata tregojnë qartë se gara është ende e hapur dhe nuk ka një emër unanim, duke e bërë këtë edicion të BBVIP 5 një nga më të paparashikueshmit deri tani.
