Vanesa Sono ka folur hapur për kontaktet që pati me produksionin e “Ferma VIP” pas largimit nga formati, duke sqaruar arsyet pse zgjodhi të mos ishte e pranishme në spektaklet ku u trajtua historia e saj me Indrin.
E ftuar në një intervistë për “Prive”, Vanesa tregoi se kontakti i parë kishte ardhur nga moderatorja e programit, Arbana Osmani, e cila e kishte ftuar të merrte pjesë në studio për një përballje me Klevisa.
Sipas Vanesës, ajo nuk e pa të arsyeshme një ballafaqim të tillë, pasi nuk kishte pasur asnjë kontakt apo marrëdhënie direkte me Klevisën gjatë qëndrimit në fermë. Për këtë arsye, vendosi ta refuzojë ftesën, duke argumentuar se çdo konkurrent ka të drejtë të ndjekë lojën dhe zgjedhjet e veta brenda formatit.
Pas këtij refuzimi, Vanesa tha se u informua edhe për ekzistencën e letrës së shkruar nga Indri, përmes së cilës ai i dha fund publikisht marrëdhënies së tyre. Megjithatë, edhe pse mori dijeni për situatën, ajo vendosi të mos ishte e pranishme në mbrëmjen kur letra u lexua.
Sipas saj, kishte arritur ta kuptonte paraprakisht se cili do të ishte mesazhi dhe përmbajtja e letrës, ndaj nuk dëshironte ta vendoste veten në një situatë që mund t’i shkaktonte më shumë ngarkesë emocionale. Vanesa theksoi se vendimi ishte marrë për të mbrojtur qetësinë e saj personale dhe për të shmangur një përjetim që, sipas saj, nuk do t’i sillte asnjë dobi emocionale.
Kjo deklaratë vjen pas një sërë intervistash ku Vanesa ka lënë të kuptohet se, pas daljes nga formati, ka ndryshuar mënyrën se si i sheh ngjarjet dhe personat e përfshirë në këtë histori, duke konfirmuar se për të kapitulli me Indrin tashmë është mbyllur.
