Në kuadër të sfidës së fundit të programit “Big Brother VIP Albania”, banorët përjetuan një tjetër surprizë të papritur brenda shtëpisë. Dy velina të njohura të emisionit investigativ “Fiks Fare” u futën në ambientet e shtëpisë, ku vendosën të argëtojnë dhe të ngacmojnë banorët, duke u afruar veçanërisht pranë Rogert Sterkaj.
Gjatë hyrjes së tyre, ato filluan të kërcenin përreth tij, por pavarësisht atmosferës provokuese, Rogerti bëri përpjekje të mos thyente rregullat e sfidës së mosreagimit: herë duke mbyllur sytë e herë me një të qeshur të lehtë, ai qëndroi i përqendruar dhe pa reaguar emocionalisht ndaj situatës.
Kjo provë, që synon të testojë kontrollin e banorëve përballë çdo skene të papritur apo provokimi, do të vazhdojë deri në spektaklin e së shtunës, ku ata shpresojnë të fitojnë shpërblimet e premtuara për performancën e tyre.
