Pas përfundimit të aventurës së tij në Big Brother VIP Albania, finalisti Miri është rikthyer në rrjetet sociale me një postim që ka tërhequr menjëherë vëmendjen.
Në mesazhin e tij të parë në Instagram, ai ka zgjedhur t’ua dedikojë fjalët falënderuese fansave dhe njerëzve të afërt, të cilët e mbështetën gjatë gjithë rrugëtimit.
“Ju falënderoj nga zemra… mbështetja juaj ka qenë forca ime më e madhe,” – shkruan ai, duke theksuar rëndësinë që ka pasur publiku për të.
Miri, i njohur edhe si pjesë e grupit West Side Family, e mbylli reagimin me tone shumë emocionale: “Ju mbaj në zemër dhe ju dua pafund.”
Ky postim është interpretuar si një dëshmi se, përtej garës dhe çmimit, për të fitorja më e madhe ishte dashuria dhe mbështetja e publikut, që e shoqëroi deri në fund të këtij rrugëtimi.
