Vetëm një ditë pasi bëri publike romancën e tij të re, Fation Kuqari duket se nuk ka mundur ta mbajë gjatë misterin rreth vajzës që i ka rrëmbyer zemrën.
Ish-banori i “Big Brother VIP Albania” publikoi së fundmi disa fotografi romantike me partneren, duke konfirmuar se po shijon një histori të re dashurie. Megjithatë, ai ishte kujdesur që të mos zbulonte fytyrën e saj, duke e mbuluar me emoji dhe duke lënë ndjekësit kuriozë për identitetin e vajzës.
Por misteri tashmë duket se është zbardhur. Sipas informacioneve të publikuara, partnerja e Fationit quhet Bela dhe njihet si modele.
Ajo nuk është krejtësisht e panjohur për ndjekësit e ish-banorit, pasi shfaqet edhe në disa postime që lidhen me aktivitetin e tij sipërmarrës. Kjo ka ngritur dyshimet se përveç marrëdhënies sentimentale, dyshja mund të kenë edhe angazhime të përbashkëta profesionale.
Nga ana tjetër, Fationi nuk ka dhënë ende shumë detaje për lidhjen e re dhe as nuk ka bërë një prezantim të drejtpërdrejtë të Belës për publikun.
Mbetet për t'u parë nëse ai do të vendosë të ndajë më shumë momente me partneren dhe të zbulojë më tepër rreth historisë së tyre të dashurisë.
