Një romancë e mundshme mes Drini Zeqos dhe Heidi Bacit ka tërhequr vëmendjen në rrjetet sociale, ku gjatë orëve të fundit kanë qarkulluar aludime se raporti mes dy personazheve të ekranit mund të jetë më shumë sesa një bashkëpunim televiziv.
Gjithçka ka nisur nga komentet e disa ndjekësve, të cilët pretendojnë se i kanë parë Drinin dhe Heidin në momente romantike në ambiente të ndryshme të Tiranës. Këto pretendime kanë nxitur diskutime dhe kuriozitet mes publikut, por deri më tani nuk ka asnjë konfirmim publik nga dy personazhet për një lidhje të mundshme.
Aktualisht, të dy janë pjesë e programit “Për’puthen”, ku Heidi Baci mban rolin e moderatores, ndërsa Drini Zeqo është opinionist i formatit.
Bashkëpunimi i tyre në ekran ka bërë që ndjekësit të tregojnë interes edhe për raportin që mund të kenë jashtë studios. Ndërkohë, një fotografi e përbashkët e dy personazheve po shoqëron diskutimet në rrjet.
Megjithatë, mbetet e paqartë nëse mes tyre ka vërtet një romancë, pasi deri tani bëhet fjalë vetëm për aludime të pakonfirmuara. Një reagim nga Drini Zeqo apo Heidi Baci mund të sqaronte nëse pas këtyre zërave fshihet diçka më shumë se një marrëdhënie kolegësh.
