Stresi ka tërhequr vëmendjen me një reagim të drejtpërdrejtë në rrjetet sociale, këtë herë duke iu drejtuar koreografit dhe drejtorit kreativ Andi Murra.
Reperi publikoi në Instagram një foto të profilit të Murrës, të shoqëruar me një mesazh për ndjekësit e tij. Në reagimin e tij, Stresi u kërkoi atyre të mos e ndiqnin më koreografin në rrjetet sociale dhe bëri thirrje për bojkotimin e akademisë së tij.
“Unfollow këtë plehrë dhe bojkotoni akademinë e tij, prindër nxënës. Më besoni njëherë të vetme”, shkroi Stresi.
Stresi via Instagram Story
Reagimi i reperit vjen pak kohë pas deklaratave të Elton Tozajt, i cili pretendoi se një person me inicialet A.M. ishte i përfshirë në skandale të ngjashme me ato që kanë tronditur së fundmi opinionin publik.
Megjithatë, pretendimet e bëra nga Tozaj nuk përbëjnë në vetvete konfirmim të ndonjë rasti konkret, ndërsa nuk dihet nëse reagimi i Stresit lidhet drejtpërdrejt me këto deklarata apo me një çështje tjetër.
Deri tani, Andi Murra nuk ka reaguar publikisht ndaj deklaratës së reperit.
