Hyrja e Kostana Moravës dhe Inida Gjatës (Zhaku) në “Ferma VIP” duket se ka trazuar menjëherë ujërat brenda shtëpisë.
Dy banoret e reja janë përfshirë menjëherë në debate dhe situata të forta, por publiku ka vënë re një detaj që po komentohet shumë në rrjet: shumica e përplasjeve të tyre po lidhen me një emër të vetëm, Sara Karaj.
Ky fokus i vazhdueshëm ka bërë që ndjekësit të ngrenë dyshime për një strategji të fshehtë apo “mision sekret” brenda lojës.
Sipas komenteve që po qarkullojnë online, shumë fansa besojnë se Kostana dhe Zhaku mund të kenë hyrë në fermë për të rikthyer Sarën në qendër të vëmendjes dhe për ta favorizuar indirekt në sytë e publikut.
Teoria është forcuar edhe më shumë nga fakti që Sara kohët e fundit është komentuar për një rënie të pëlqyeshmërisë, ndërsa debatet e vazhdueshme me hyrjet e reja mund ta vendosin atë në rolin e “viktimës” dhe ta rikthejnë fuqishëm në lojë.
Nga ana tjetër, edhe sjellja e Zhakut ka habitur ndjekësit. Edhe pse fillimisht u perceptua si një mbështetëse e Mimoza Ahmetit, ajo ka bërë krejt të kundërtën brenda fermës, duke e ironizuar dhe provokuar vazhdimisht.
Momenti më i komentuar mbetet ai kur Zhaku përdori ndaj Mozës termin “k*çkë”, duke rikthyer në vëmendje debatin që çoi në eliminimin e Olës.
Tashmë publiku po ndjek me shumë kuriozitet zhvillimet e reja, ndërsa mbetet për t’u parë nëse këto lëvizje janë thjesht pjesë e lojës apo një strategji e menduar mirë për të ndryshuar balancat në “Ferma VIP”.
