Luana Vjollca dhe Nik Xhelilaj janë kthyer në një nga dyshet më të përfolura të momentit pas daljes së filmit Policë për jetë, ku interpretojnë së bashku me Olsi Bylykun.
Vëmendjen e publikut nuk e ka marrë vetëm historia e filmit, por sidomos afrimiteti dhe energjia që dy protagonistët transmetojnë në skenat e tyre. Marrëdhënia mes tyre në ekran është karakterizuar nga shumë afërsi dhe një tension i dukshëm, që është vënë re menjëherë nga shikuesit.
Kjo “shkëndijë” nuk ka kaluar pa u komentuar edhe jashtë filmit, veçanërisht gjatë eventeve promovuese, ku mënyra si ata ndërveprojnë ka nxitur reagime të shumta në rrjete sociale. Shumë ndjekës kanë shprehur mendimin se ata do të funksiononin shumë mirë si çift edhe në jetën reale.
Megjithatë, ajo që ka tërhequr më shumë vëmendje ka qenë një deklaratë e vetë Xhelilajt. I pyetur në një intervistë se çfarë do të ndryshonte në film, ai u përgjigj me humor dhe sinqeritet se ndoshta do të kishte tentuar një puthje me Luanën, duke lënë të kuptohet se kjo do të ishte diçka që publiku do ta kishte pritur me interes.
Kjo deklaratë, e kombinuar me momentet e afërta mes tyre gjatë premierave, ka rritur edhe më shumë kuriozitetin e fansave. Tani mbetet për t’u parë nëse kjo kimi do të mbetet vetëm pjesë e bashkëpunimit artistik apo nëse fshihet diçka më shumë pas saj.
