Pas finales së Big Brother VIP Albania, bashkëshortja e Mirit ka reaguar publikisht, duke ndarë përjetimet e saj mbi një nga temat më të diskutuara të këtij edicioni: raportin e tij me Selinën.
Ajo theksoi se sfida më e madhe nuk ka qenë rrugëtimi i bashkëshortit brenda shtëpisë, por reagimet dhe komentet negative në rrjet, të cilat shpesh kanë kaluar kufijtë.
“Besimi im te Miri ka qenë i plotë gjatë gjithë kohës… ajo që më ka lodhur më shumë kanë qenë reagimet dhe urrejtja në rrjete sociale,” – u shpreh ajo, duke nënvizuar se nuk ka pasur dyshime ndaj tij apo shqetësime për afrimitetin me Selinën.
Megjithatë, ajo pranoi se do të ishte e pavërtetë të thoshte që komentet nuk e kanë prekur, duke treguar anën emocionale dhe të vështirë të përballjes me publikun.
Në fund, ajo bëri thirrje për më shumë kujdes dhe përgjegjësi në komunikimin online, ndërsa e cilësoi këtë eksperiencë si një nga më sfidueset në jetën e saj, me bindjen se gjithçka do të marrë rrjedhën e duhur.
