Pas incidentit që tronditi rrjetin disa javë më parë, ku moderatori i njohur Alaudin Hamiti u sulmua fizikisht në Prishtinë, kanë dalë zhvillime të reja lidhur me ngjarjen.
Sipas raportimeve, personi i dyshuar për sulmin është arrestuar nga autoritetet, duke hedhur më shumë dritë mbi atë që ndodhi. Ngjarja kishte ndodhur teksa moderatori po hynte në një ambient tregtar, ku një individ iu afrua dhe situata përshkallëzoi në kontakt fizik.
Pamjet e incidentit u përhapën me shpejtësi në rrjetet sociale dhe shkaktuan reagime të shumta nga publiku. Vetë Hamiti më pas konfirmoi se kishte ndodhur një incident, por siguroi se ishte në gjendje të mirë shëndetësore.
Arrestimi i autorit pritet të ndihmojë në zbardhjen e plotë të rrethanave dhe motiveve që çuan në këtë sulm, të cilat deri më tani kanë mbetur të paqarta.
