Andi Murra ka reaguar për herë të parë pasi emri i tij është përmendur në diskutimet e fundit në rrjetet sociale lidhur me videot intime që kanë shkaktuar bujë në showbiz-in shqiptar.
Koreografi dhe drejtuesi i akademisë së kërcimit ka mohuar çdo lidhje me materialet që po qarkullojnë, ndërsa ka paralajmëruar veprime ligjore ndaj personave që, sipas tij, kanë publikuar lajme apo video të rreme.
Përmes një postimi në Instagram, Murra u është drejtuar personave që kanë shpërndarë përmbajtje që e lidh me këtë çështje.
“Të gjithë ata që kanë postuar lajme apo video të rreme do të ndiqen nga avokatët dhe do të përgjigjen para ligjit!”, shkruan ai.
Në reagimin e tij, Murra bëri të ditur se ka ruajtur publikimet që përmendin emrin e tij, duke lënë të kuptohet se ato mund të përdoren në kuadër të veprimeve të mundshme ligjore.
“I kam ruajtur të gjitha postimet. Asnjë video nuk është e imja apo e ndonjë që njoh unë”, deklaron koreografi.
Andi Murra via Instagram Story
Ai ka publikuar gjithashtu një pjesë të nenit 119 të Kodit Penal, që lidhet me fyerjen, duke shoqëruar kështu deklaratën e tij me një referencë ligjore.
Reagimi vjen pas diskutimeve të shumta në rrjetet sociale për videot intime që kanë qenë në qendër të vëmendjes gjatë ditëve të fundit dhe për emrat e personazheve të njohur që janë përmendur në këtë kontekst.
Me këtë deklaratë, Andi Murra distancohet nga materialet që po qarkullojnë dhe paralajmëron se do të ndjekë rrugën ligjore ndaj publikimeve që i konsideron të pavërteta.
Megjithatë, pretendimet që qarkullojnë në rrjetet sociale duhen trajtuar me kujdes, ndërsa çdo përgjegjësi ligjore duhet të përcaktohet nga institucionet përkatëse.
