Eliminimi i Adion Puka nga Ferma VIP duket se nuk e ka mbyllur rrugëtimin e tij në këtë format. Vetëm pak orë pas largimit nga shtëpia, ai ka nisur një fushatë publike për rikthim.
Pas situatave të tensionuara që përfshinë partneren e tij Ola dhe moderatoren Arbana Osmani, Adioni ka zgjedhur rrjetet sociale për të bërë një apel të drejtpërdrejtë ndaj produksionit.
Në Instagram Story, ai ka rishpërndarë postime nga faqet e fansave ku kërkohet rikthimi i tij në garë, me mesazhe si: “DUAM ADIONIN PËRSËRI NË FERMË” dhe hashtagun #RiktheniAdin.
Në këto postime janë etiketuar edhe drejtuesit e spektaklit, përfshirë Arbana Osmanin dhe Eduart Grishaj, duke e bërë thirrjen edhe më të drejtpërdrejtë.
Kjo lëvizje tregon qartë dëshirën e Adionit për t’u rikthyer në lojë dhe për të vazhduar garën përkrah Olës, ndërsa mbetet për t’u parë nëse presioni i fansave dhe reagimi online do të ndikojnë në vendimmarrjen e produksionit.
